რატომ „გამოუწერა“ მიშა ცაგარელმა ბიძინა ივანიშვილს „კვეთებული“

საზოგადოება - 08:39, 20 Feb, 2015

4787

„არა მარტო ბატონ ბიძინას. მინდა გითხრათ, რომ ძალიან ბევრს სჭირდება „კვეთებული“, - აცხადებს გია ჯაჯანიძის შოუში მყოფი ქვეყნის მთავარი ასტროლოგი მიშა ცაგარელი.
„პოლიტიკის სფერო ცოტა ბინძური სფეროა, უამრავი ცუდი თვალი, შური, წყენა, ათასი ბილწსიტყვაობა. ძალიან ცუდი ენერგია ტრიალებს, ამიტომ იქ ვინც მუშაობს, ყველას სჭირდება გამოლოცვა“.
მიშა ცაგარელი ერის დუხჭირ მდგომარეობას გარკვეულწილად ხელისუფალთა უვიც გადაწყვეტილებებსაც აბრალებს, რაც ასტროლოგის არ ცოდნით არის გამოწვეული.
„ხელისუფლების წარმომადგენლებს რამეს ატყობთ ასტროლოგიის ცოდნიდან გამომდინარეს? როდესაც ისინი ახალ მთვარეზე დებენ ხელშეკრულებებს და აწარმოებენ მოლაპარაკებებს?
როცა სააკაშვილი ორჯერ შეხვდა პუტინს იყო არამც თუ ახალი მთვარე , არამედ მთვარის დაბნელება. მე ვაფრთხილებდი, რომ დაბნელდებოდა საქართველოში ამ მოქმედების შედეგად... რაც შეეხება ბიძინა ივანიშვილს ის ასტროლოგიით დაინტერესებულია, მაგრამ ასტროლოგიას არ იყენებს, რატომ ვერ გეტყვით. მე მის ნაბიჯში ვერ ვხედავ ასტროლოგიის ცოდნას. მნიშვნელოვანი მოლაპარაკებები ისეთ დღეებში აწარმოა, როცა არაფრით არ შეიძლებოდა, ასტროლოგიის მცოდნე ამას არ გააკეთებდა.
კითხვაზე რა რეცეპტია საჭირო იმისთვის, რომ საქართველო ფეხზე წამოდგეს, ცაგარელი შემდეგს პასუხობს:
„ჩვენ უნდა დავიწყოთ მენტალიტეტის შეცვლა. ელემენტრულად ნახეთ ქუჩები რას ჰგავს, როგორი ჭუჭყია, რა მდგომარეობაა... აქედან დაწყებული, ურთიერთპატივისცემით დამთავრებული. პარლამენტში ბაზარია თუ პარლამენტია? რა ბილწსიტყვაობაა, პარლამენტი არის ერის სახე მე ასე მესმის“...