ტელეკომპანია „ტაბულა“ შეფერხებით მუშაობს, როგორც ტელეკომპანიის დირექტორი აცხადებს ამის მიზეზი სტუდიაში ჩამოსული წყალია, რის გამოც სტუდია და აპარატურა დასველდა.

„სამწუხაროდ, დღეს თეორემა ვერ გავა. სტუდია ჩამორეცხილია. აპარატურა - დასველებული. ნიუსი წამყვანების გარეშე, მაგრამ მაინც გავა. სხვა გადაცემები ჩვეულებრივად გავა.

ორშაბათისთვის აღვდგებით.

PS მადლობა წყლის კომპანიას, რომ გუშინ წყალი შეწყვიტა. მადლობა კოლეგას, რომელმაც რომელიღაც (არა ტაბულას) ტუალეტში მოშვებული ონკანები დატოვა. მადლობა ბიძინას - რომ არსებობს

PPS და ეს უკვე სერიოზულად - მადლობა ღმერთს, რომ დენიდან გათიშული იყო ყველაფერი და დილით ლუდა დასალაგებლად რომ შევიდა წლით სავსე სტუდიაში, დენმა არ დაარტყა და მოკვდა.“- წერს თამარ ჩერგოლეიშვილი სოციალურ ქსელში.


_{ნინო ზედგენიძე}