ხმაურიანი და სკანდალური დაშორებისა და შერიგების შემდეგ გიორგი ყიფშიძე და ანი ჩიკვილაძე „ნანუკას შოუში“იმ დეტალებზე ალაპარაკდნენ, რაც ბევრისთვის უცნობია.

როგორც წყვილისგან გაირკვა ცოლ-ქმრის ცალ-ცალკე ყოფნა მხოლოდ სამ თვეს გაგრძელდა. „ზურა, დილა მშვიდობისას მაგივრად მეუბნებოდა შენი ასე და ისეო... ასე იწყებოდა დილა, არ მომასვენა“, - ამბობს გიორგი ყიფშიძე.

გიორგი: „ცოტა ხანი დავისვენეთ ერთმანეთისგან და ამ დასასვენებაში მივხვდით რომ ერთმანეთის გარეშე არ შეგვიძლია, რომ ერთმანეთთან ნათესაური სული გვაკავშირებს. ამას როდესაც მივხვდით ისევ ერთად გადავწყვიტეთ ყოფნა. მივედი ანასთან და ვუთხარი, - ახლა კიდევ ერთხელ მივხვდი რომ შენს გარეშე ცხოვრება არ შემიძლია-მეთქი“, - ამბობს გიორგი ყიფშიძე.

ანი: „გიორგისთან არის ყველაფერი, არ არსებობს რამე რაც მასთან არ ყოფილა, გიორგისთან არის ბედნიერებაც, უბედურებაც, სიხარულიც , სიყვარულიც, ემოციებიც... ერთადყოფნის პირველი წელი ყველაზე ძალიან გამიჭირდა.

გიორგი: „მეთორმეტე წელია ერთად ვართ, კრიზისი ყველა ოჯახში არის, მგონი მეშვიდედან იწყება მერე მეცხრე, თუმცა, იმდენად პატარ-პატარა ნიუანსები გვაკავშირებს ერთმანეთთან, რომ ალბათ ამის გამო ვართ ერთად. რა თქმა უნდა არსებობს უამრავი დეტალი რომელიც ნერვებს მიშლის, ძალიან ნელია, რაჭვული ხასიათი აქვს, მე უფრო სწრაფად ვხარშავ რაღაცებს, ეს უფრო ნელა ფიქრობს. დინჯია. თუმცა ბევრ რამეში ერთნაირად ვერთობით, ერთნაირი გემოვნება გვაქვს ჭამაშიც. ხაშს ვერ ვიტანთ ვერცერთი. რაც მე მიყვარს ის უყვარს ანის.

თან იმდენად გამანებივრა თავისი დათმობებით, რომ ძირითადად ვიცი რომ მითმობს ბევრ რამეს, და დამითმობს კიდეც, ამით ხშირად ვსარგებლობ... შეიძლება ცუდ რამეს ვამბობ, მაგრამ ასეა...