საქართველოს საგარეო საქმეთა მინისტრის ყოფილი მოადგილე, „საქართველოს რეფორმების ასოციაციის“ დამფუძნებელი, ექსპერტი სერგი კაპანაძის განცხადებით, რუსეთს აღმოსავლეთ უკრაინაში კონფლიქტის გასაგრძელებლად სამკარისი რესურსი არ გააჩნია.

ამის შესახებ მან „Новое время"-სთან ინტერვიუში ისაუბრა.

„რუსეთს არ შეუძლია ამ ომის მხარდაჭერა ხანგრძლივად განაგრძოს, თუმცა ამ ზეწოლას დიდხანს ვერც უკრაინა გაუძლებს“ - განაცხადა ექსპერტმა.

კაპანაძის თქმით, უკრაინისთვის საგარეო მხარდაჭერა ძალიან მნიშნელოვანია. თუმცა, მისი თქმით, დასავლეთი ჯერ მზად არ არის რუსეთთან ომში ჩაერთოს.

„ თუკი რუსეთი აგრესიას გააძლიერებს და ახალ თავდასხმებზე გადავა, მაგალითად საჰაერო დარტყმებზე, მზად არის დასავლეთი კონფლიქტის ერთერთი მხარე გახდეს და ომში ჩაერთოს? ისინი ამისთვის მზად არ არიან“- განაცხადა კაპანაძემ.

მისი თქმით, შესაძლოა რუსეთმა აგრესიის სფეროს გაფართოება განაგრძოს და უკრაინის შემდეგ, საქართველოსა და ბალტიისპირეთის ქვეყნების ჯერი დადგეს.