ხმაურზე კონტროლი მკაცრდება და ფულადი ჯარიმებიც იზრდება. გადამეტებული ხმაურის გამო დაჯარიმდებიან როგორც ფიზიკური, ისე იურიდიული პირები. მონიტორინგს ამ შემთხვევაში საპატრულო პოლიცია განახორციელებს. აღნიშნული ინიციატივა საკრებულოს იურიდიული კომისიის სხდომაზე განიხილება.

"დილის შვიდიდან საღამოს თერთმეტ საათამდე თუ 40 დეციბალს გადასცდება ხმაურის სრული ნორმა, ფიზიკური პირი პირველ ჯერზე 150 ლარის ოდენობით დაჯარიმდება. ხოლო იურიდიული პირი 500 ლარის თანხით. საღამოს თერთმეტი საათიდან დილის შვიდ საათამდე თუ 30 დეციბალს გადაცდება ხმაურის ნორმა, ამ შემთხვევაში უკვე იურიდიული პირი 1000 ლარით დაჯარიმდება, ხოლო ფიზიკური პირი 500 ლარით." - განაცხადა თბილისის საკრებულოს იურიდიულ საკითხთა კომისიის თავმჯდომარემ თედო კობახიძემ.