27 თებერვალს კლუბ „ანდერვილში" ახალგაზრდა ჰოლანდიელი დიჯეები TV-Noice დაუკრავენ, 14 მარტს კრის ლეიკის ჩამოსვლა იგეგმება, 3 აპრილს კი, ოლივერ ნელსონის მოსმენას შეძლებთ.

რაც შეეხება ”Daft Punk” და დიჯეი ტიესტოს, მათთან მოლაპარაკებები მიმდინარეობს და დავით ოქიტაშვილის განცხადებით, ისინი აუცილებლად ესტუმრებიან საქართველოს.

ტატო ხარჩილავა, რომელიც 2006 წლიდან აწყობს ივენთებს, აცხადებს, რომ ”ფესტივალები და ივენთები ზოგადად მთელ მსოფლიოში იმართება, საქართველო კი, ამ ტენდენციას ნაბიჯ-ნაბიჯ მიყვება. პოსტსაბჭოთა სივრცეში ჩვენი ქვეყანაა ერთ-ერთი გამორჩეულია ელექტრონული მუსიკის განვითარებისა და პოპულარიზაცციიის კუთხით, როგორც ქართველი შემსრულებლების, ასევე უცხოელი მუსიკოსების შოუების მოწყობით. 2003 წლიდან, პირველი სერიოზული კლუბის ”აჭარა მუზიკ ჰოლის” გახსნის შემდეგ, დაიწყო ელექტრონული მუსიკის განვითარება, ბევრი კარგი მუსიკოსი ჩამოვიდა საქართველოში, ამაღლდა მუსიკალური ხარისხი და გაიზარდა მსმენელთა რიცხვიც. დღეს საქართველოში ბევრი კომპანიაა ამ საქმეში ჩართული და ეს კარგია, რადგან კონკურენციის ამაღლებასთან ერთად ხარისხიც შესაბამისი მიიღწევა”.

კიდევე ერთი პრომოუტერის - შოთა გამეზარდაშვილის განცხადებით, უცხოელი მუსიკოსების ჩამოყვანა ძირითადად ქართველი შემსრულებლების ივენთების დაუფინანსებლობითაა განპირობებული.

უახლოესი ღონისძიება, რომელსაც გამეზარდაშვილი და მისი კომპანია გეგმავს, 2 მარტს იწყება. გრანდიოზული ივენთის, რომელშიც მხოლოდ ჰედლაინერები მიიღებენ მონაწილეობას, პირველი სტუმარი ანა შნეიდერი იქნება, რომელიც უკვე იმყოფებოდა საქართველოში, ახლა კი საქართველოს ელექტრონული მუსიკის ერთ-ერთი წამყვანი შემსრულებლის რანგში ეწვევა.

წყარო: fortuna.ge