ნინი ბადურაშვილი მეორედ გათხოვებას აპირებს

საზოგადოება - 16:43, 18 Feb, 2015

21774

„ხვალ რომ გამოჩნდეს ვინმე კონკრეტული პრინცი, მიუხედავად იმისა, რომ პრინცების არ მჯერა, თუ მომინდება მასთან ურთიერთობა, დავიწყებ“ - ამბობს ჟურნალ "სარკესთან" ნინი ბადურაშვილი და დასძენს: „აუცილებლად გავთხოვდები მეორედ“...

"სარკე": როგორ უნდა შეინახოს ლამაზმა და პოპულარულმა ქალმა პირადი ცხოვრება საიდუმლოდ?
ნინი ბადურაშვილი: არსებობენ ლამაზი და პოპულარული ქალები, რომელიც თავიანთ პირად ცხოვრებას ისე მალავენ, რომ ვერავინ ვერაფერს იგებს. მე ალბათ ყველაზე ძალიან უნდა ვცდილობდე ამას. ამ ეტაპზე არანაირად არ მინდა, ჩემს პირად ცხოვრებაში რამე ხდებოდეს - ბავშვსა და კარიერაზე ვარ გადართული. ამის დრო რომ მოვა ჩემს ცხოვრებაში და გამოჩნდება ვინმე, აუცილებლად გავთხოვდები მეორედ.

-ანუ თამამად გადადგამთ ამ ნაბიჯს, ოჯახის მეორედ შექმნის არ გეშინიათ?
-არანაირად! ხვალ რომ გამოჩნდეს ვინმე კონკრეტული პრინცი, მიუხედავად იმისა, რომ პრინცების არ მჯერა, თუ მომინდება მასთან ურთიერთობა, დავიწყებ. ოჯახის დანგრევის გამო არანაირი კომპლექსი არ გამჩენია. ძალიან ძლიერი ადამიანი ვარ, არ მეგონა, ასეთი თუ ვიყავი. ორსულობის პერიოდში ისეთი ამბები გადავიტანე პირად ცხოვრებასთან დაკავშირებით, რომ ნამდვილად არ მეგონა ამ ყველაფერს ასე მშვიდად თუ გავუძლებდი.

-ოჯახის დანგრევა მწარე, მაგრამ მაინც გამოცდილებაა, მასაც აქვს სასარგებლო მხარე. ახალ ურთიერთობაში რას გაითვალისწინებთ?
- მოდი, ასე ვიტყვი - ათი წელი დადიან წყვილები და ოჯახის შექმნის შემდეგ ორ თვეში ენგრევათ ურთიერთობა. პირიქითაც ხდება - ერთთვიანი ნაცნობობის მერე მყარ ოჯახს ქმნიან. მე, მაგალითად, არ ვნანობ, რომ გავთხოვდი. პირველ რიგში, იმიტომ, რომ მაშინ მეგონა სწორ გადაწყვეტილებას ვიღებდი.