თბილისის 69-ე საჯარო სკოლაში ფილტვის ტუბერკულოზის ორი შემთხვევა დაფიქსირდა.

ამის შესახებ დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა ხათუნა ზახაშვილმა განაცხადა.

მისი ინფორმაციით, შემთხვევა 16-18 წლის მოზარდებში დაფიქსირდა, თუმცა აღნიშნული შემთხვევა ერთმანეთთან კავშირში არ არის.

„სხვადასხვა ადგილას მოხდა ამ ბავშვების ინფიცირება, თუმცა ეს არის მიზეზი იმისთვის, რომ საზოგადოებრივი ჯანდაცვისთვის მექანიზმი იქნას ამოქმედებული და გამოვიკვლიოთ ყველა მათთან კონტაქტური ადამიანი“, - განაცხადა ზახაშვილმა.