თბილისის მერიამ ინგლისურისა და კომპიუტერის უფასო კურსები შეაჩერა. სწავლის პროცესი თებერვლიდან უნდა განახლებულიყო, თუმცა, ასე არ მოხდა. ისინი ვინც კურსებს ახლა გადიან , მერიის გადაწყვეტილებით უკმაყოფილონი არიან და ამბობენ, რომ სწავლების პროცესი მათ ძალიან მოსწონდათ. პროექტის გაგრძელების სურვილს გამოთქვამენ პედაგოგებიც, მერიაში კი პირობას დებენ, რომ იგი ისევ აღდგება და მხოლოდ დროებითაა შეჩერებული. მათი თქმით 2015 წლის ბიუჯეტში ამისთვის დაფინანსებაცაა გამოყოფილი და ეს თანხა 438 900 ლარს შეადგენს. თუმცა არც იმას უარყოფენ, რომ ცვლილებებს გეგმავენ. სწორედ ესაა, მათი თქმით , პროექტის დროებით შეჩერების მიზეზიც.

„გადამუშავდება და დაიხვეწება მონაწილეთა შერჩევის კრიტერიუმები, შემუშავდება პროგრამის შეფასების ინსტრუმენტები და შესაძლებელი გახდება გაწეული ინვესტიციების ეფექტიანობის უზრუნველყოფა“- აცხადებენ მერიაში.

მერიაში კურსების აღდგენის ზუსტ თარიღს ვერ ასახელებენ, თუმცა ვარაუდობენ, რომ მარტის შუა რიცხვებიდან ის კვლავ გაგრძელდება.

წყარო „რეზონანსი“