420 დოლარი ,,ოსკარზე“ წასასვლელად - რას პასუხობს კულტურის მინისტრი მსახიობებს

კულტურა - 21:43, 14 Feb, 2015

14849

საქართველოს კულტურისა და ძეგლთა დაცვის მინისტრი მიხეილ გიორგაძე მსახიობ გიორგი ნაკაშიძის იმ განცხადებას ეხმაურება, რომელიც მან ,,რუსთავი 2“-ის გადაცემა ,,სხვა შუადღის“ ეთერში გააკეთა. მსახიობების განცხადება კულტურისა და ძეგლთა დაცვის სამინისტროს მიერ "მანდარინების" შემოქმედებითი ჯგუფის "ოსკარის" დაჯილდოების ცერემონიალზე დასწრების დაფინანსებას ეხებოდა.

"მიმდინარე საკითხების მოგვარება ერთმნიშვნელოვნად ფილმის პროდიუსერის პასუხისმგებლობა არის, ზაზას მიერ გამგზავრებასთან დაკავშირებული ხარჯების ბიუჯეტი სრულად დაფინანსდა. რაც შეეხება ამ განსაკუთრებული წარმატების ჯეროვნად დაფასებას და აღნიშვნას, ამაზე მე და ზაზამ მოვილაპარაკეთ, რომ ჯგუფის ამერიკიდან დაბრუნების შემდეგ ჩვენ ერთად, ამაზე ჩვენ ერთად განვაცხადებთ და მოვახსენებთ საზოგადოებას. იმისთვის, რომ არ გამომივიდეს თავის მართლებად, იმედი მაქვს ზაზა ამას დამიმოწმებს", - აღნიშნა მიხეილ გიორგაძემ.

ერთი თუ გადამიტრიალდა ისეთს, მოვაწყობ, რომ მთელი მსოფლიო ალაპარაკდება - "ოსკარზე" წარდგენილი ქართული ფილმის, "მანდარინების" შემოქმედებითი ჯგუფი კულტურის სამინისტროს უყურადღებობაში ადანაშაულებს. როგორც მსახიობებმა ,,რუსთავი 2“-სი გადაცემა ,,სხვა შუადღეში“ განაცხადეს, მათ სამინისტრომ 7 დღის განმავლობაში ბიუჯეტად მიზერული თანხა, 420 დოლარი დაუწესა. ,, რა 100 ათასებზეა საუბარი, 420 დოლარი დაგვიწესეს 7 დღეში, მე პირადად ეს 420 დოლარი თბილისში დავტოვე იმისთვის, რომ ღონისძიებისთვის ჰილფიგერის პერანგი მეყიდა“ - განაცხადა გიორგი ნაკაშიძემ