პაატა ბურჭულაძის 60 წლის იუბილესთან დაკავშირებით მოწყობილი კონცერტზე მომხდარი ინციდენტის გამო "არტ პალასის" პრეზიდენტმა გია ანდღულაძემ მაყურებელს ბოდიში მოუხადა.
"უკმაყოფილო მსმენელს კიდევ ერთხელ მოვუხდი ბოდიშს, მაგრამ არაორგანიზებულობა ნამდვილად არ იყო, არ იყო ჩვენგან გამომდინარე მიზეზები. ჩვენი საზოგადოება შეგნებულია და ანალიზს გააკეთებს, რის გამო მოხდა შეფერხება დარბაზში შესვლისას," - განაცხადა ანდღულაძემ.
მანამდე მან მაყურებელს სცენიდან მიმართა და შექმნილი ინციდნტის გამო მოუბოდიშა.
„დაუვიწყარი საღამო გელოდებათ წინ და ხასიათს ნუ გაიფუჭებთ", - მიმართა მან მაყურებელს.
სპორტის სასახლეში პაატა ბურჭულაძის 60 წლის იუბილესადმი მიძღვნილი კონცერტი ინციდენტით დაიწყო. სპორტის სასხლეში მხოლოდ ერთი შესასვლელი იყო გახსნილი, რამაც მაყურებლების უკმაყოფილება გამოიწვია.
მასალის გამოყენების პირობები






