ქართული ჯარის კვებას ახალი ბიზნესსუბიექტი - „სახელმწიფო კვებითი უზრუნველყოფა“ განახორციელებს.

„ქართული კვების კომპანიის“ ხელმძღვანელის მირანდა მანჯგალაძის თქმით, ეს იქნება ახალი კომპანია, რომლის 100 პროცენტიანი წილის მფლობელი სახელმწიფო იქნება.

მანჯგალაძე აცხადებს, რომ კომპანიას ტენდერში მონაწილეობა არ მიუღია.

„ჯარისკაცებს კვებასთან დაკავშირებით არანაირი პრობლემა არ შეექმნებათ. პროცესი ძალიან მარტივად ჩაივლის, რადგანაც ამისათვის დიდი ხანია, ვემზადებით. შესაბამისად, ამას ვერ იგრძნობს ვერც ერთი ჯარისკაცი, პირიქით, ისინი გაუმჯობესებული ხარისხის სერვისს მიიღებენ, როგორც საგემოვნო თვისებებით, ასევე უვნებლობის თვალსაზრისით“ - აცხადებს მანჯგალაძე.

თავდაცვის სამინისტროს ინიცირებით, დღეს მთავრობის სხდომაზე მიიღეს დადგენილება იმის შესახებ, რომ ჯარის კვებით უზრუნველყოფას სწორედ „სახელმწიფო კვებითი უზრუნველყოფა“ განახორციელებს.