საერთაშორისო ჰოლდინგის „AS Group Investment“-ის ხელმძღვანელი საქართველოს ესტუმრა

ბიზნესი & ეკონომიკა - 16:25, 12 Feb, 2015

1321

საერთაშორისო ჰოლდინგის „AS Group Investment“-ის ხელმძღვანელი და გენერალური მესაკუთრე, 2 დღიანი სამუშაო ვიზიტით საქართველოს ესტუმრა. მის მიერ დაარსებული კომპანია „AS Georgia“, თბილისში, ამიერკავკასიაში ყველაზე მასშტაბურ საცხოვრებელ კომპლექსს - „დირსი“-ს აშენებს. კომპლექსი საზეიმოდ 2014 წლის ნოემბერში გაიხსნა, სადაც დღევანდელი მდგომარეობით უკვე რამდენიმე ასეული ახალმობინადრე ცხოვრობს.

ჩვენი სააგენტოს მიერ მოპოვებული ინფორმაციით, შაჰინ მოვსუმოვმა მთელი რიგი შეხვედრები ჩაატარა, იმ საბანკო სექტორისა და მსხვილი ბიზნესის წარმომადგენლებთან, რომლებიც მზად არიან მონაწილეობა მიიღონ „AS Group Investment“-ის მიერ საქართველოში განხორციელებულ პროექტებში.

შეხვედრებზე განიხილებოდა მოსახლეობისთვის ხელმისაწვდომი იპოთეკური სესხების ვარიანტები დასხვადასხვა საინვესტიციო პარამეტრი დირსის ტერიტორიაზე არსებული ისეთი ობიექტებისთვის, როგორიცაა სასტუმრო, სამედიცინო ცენტრი, სუპერმარკეტი და ა.შ.

ქართველი ფინანსისტები და ბინზესმენები მშვენივრად ხვდებიან, რომ „დირსი“-ს პროექტი - წარმოადგენს განვითარების პერსპექტივას არა მხოლოდ ისნის რაონისთვის, არამედ მთელი თბილისისთვის, ვინაიდან სწორედ აქ, ინფრასტრუქტურით აღჭურვილ 50 ჰექტარ ტერიტორიაზე, 20 000-ზე მეტ მობინადრესთვის ცხოვრების პრინციპულად ახალი პირობებია გათვალისწინებული.