ჯოკია ბოდოკიას შთამბეჭდავი ქონებრივი დეკლარაცია

საზოგადოება - 13:45, 12 Feb, 2015

15904

მერიის დაკავებული მაღალჩინოსნის ჯოკია ბოდოკიას ბოლო ქონებრივი დეკლარაცია 2003 წელს აქვს შევსებული იმ დროისთვის ბოდოკია ფინანსთა სამინისტროს საფინანსო სამსახურის უფროსი იყო. დეკლარაციის თანახმად ქონების მნიშვნელოვანი ნაწილი ჯოკია ბოდოკიას დედის მანონი ბოდოკიას სახელზეა:

ბინა, თბილისში, შროშის ქუჩა №1- 135 000 ლარი. - ბოდოკია მანონი, ბოდოკია ჯოკია

კერძო სახლი წყნეთში -350 000 ლარი- ბოდოკია მანონი

ავტომობილი გაზ 2107 - 3300 ლარი- ბოდოკია მანონი

ავეჯი:

სასადილო 40 000 ლარი - ბოდოკია მანონი, ბოდოკია ჯოკია
საძინებელი 10 000 ლარი- ბოდოკია მანონი.
საძინებელი 7 000 ლარი- ბოდოკია ჯოკია
ბული - 9000 ლარი- ბოდოკია მანონი.
როიალი - 11 000 ლარი- ბოდოკია მანონი.
სხვა ნივთები- 50 ათასი- ბოდოკია მანონი, ბოდოკია ჯოკია.

ბოდოკია მანონი იმ პერიოდში საქართველოს მოსწავლე ახალგაზრდობის რესპუბლიკური სახლის პედაგოგი გახლდათ.

მანონი ბოდოკიას 2003 წელს გასხვისებული აქვს თავისი კუთვნილი ოქროს ყელსაბამი ძვირფასი თვლებით 11 000 ლარად რუსეთში.

ასევე 2003 წელს დეკლარაციის თანახმად მანონი ბოდოკიამ თავის შვილს 1090 ლარად შეფასებული მობილური ტელეფონი და 1760 ლარად შეფასებული სამაჯური აჩუქა.

შეგახსენებთ, მერიის მარალჩინოსანი ჯოკია ბოდოკია შინაგან საქმეთა სამინისტროს ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, განსაკუთებით დიდი ოდენობით ქრთამის აღების ფაქტზე დააკავეს.

თბილისის მუნიციპალიტეტის მერიის ზედამხედველობის სამსახურის აპარატის უფროსმა ჯოკია ბოდოკიამ ერთ-ერთი კერძო კომპანიის წარმომადგენელს სასტუმროს მშენებლობის ნებართვის გაცემაში დახმარებისა და მშნებებლობის პროცესში მფარველობის გაწევის სანაცვლოდ ქრთამის სახით მოსთხოვა სასტუმროს მშენებლობის ღირებულების 10 %, 180 000 აშშ დოლარი, საიდანაც წინასწარ ქრთამის სახით აიღო მოთხოვნილი თანხის ნაწილი - 50 000 აშშ დოლარი.