„რა არის საჭირო წარმატებისთვის და თქვენს შემთხვევაში რამ ითამაშა ყველაზე დიდი როლი“? – „ნიუპოსტის“ ამ შეკითხვის ადრესატი ალენ დელონი გახლავთ. ფრანგი მსახიობი იმ „რეცეპტს“ გვთავაზობს, რომელმაც თავად მას მოუტანა წარმატება.

ალენ დელონი: „წარმატება რომ გქონდეთ აუცილებლად ის უნდა გააკეთოთ რისი კეთების სურვილიც გაქვთ. ჩემი პრივილეგია ყოველთვის ის იყო, რომ მე ვაკეთებდი იმას რაც ძალიან მიყვარდა და რაც ძალიან მინდოდა.

მსოფლიოში მილიარდობით ადამიანია ისეთ მდგომარეობაში, როცა ისინი ვერ, ან არ აკეთებენ იმას რისი გაკეთებაც სურთ... ხოლო თუ ნამდვილად გიყვართ ის რასაც აკეთებთ და ყველაფერს აკეთებთ ამისთვის, იძულებული ხდებით, რომ წარმატება გქონდეთ.

მე მდიდარი და ბედნიერი ვარ ჩემი 58 წლიანი კინოკარიერით, რომელმაც წარმატება და მსოფლიო აღიარება მომიტანა.

რომ არა ჩემი პროფესია, მე დღეს თქვენ წინაშე არ ვიქნებოდი, ასეთი დიდი ინტერესი არ იქნებოდა და ჩემსკენ ამდენი ვიდეოკამერა არ იქნებოდა მომართული. მადლობა ყველას ამ სიყვარულისთვის“.

დეა თავბერიძე