გურჯაანის მუნიციპალიტეტის საკრებულომ „ნაკურთხ პრემიებთან“ დაკავშირებით განცხადებას ავცრეცელებს.

„გვინდა გამოვეხმაუროთ 9 თებერვალს, გურჯაანის მუნიციპალიტეტის საკრებულოს რიგგარეშე სხდომაზე მომხდარ ინციდენტს, სადაც საკრებულოს წევრებმა ლევან ხაზიურმა და ზაქარია ქაჩლიშვილმა დაუდევრად გააჟღერეს არასერიოზული ფრაზა, თითქოს პრემიები იყო ნაკურთხი, იმ ვარაუდით, რომ არასერიოზულობა გამოცნობილი იქნებოდა, რაც დეპუტატისთვის შეუფერებელ ქმედებად უნდა ჩაითვალოს.

გვინდა ბოდიში მოვუხადოთ, როგორც ჩვენს კოლეგებს, ასევე მოქალაქეებს გაუგებრობისთვის და განვმარტოთ, რომ დეპუტატის მხრიდან საკრებულოს სხდომაზე რელიგიური საკითხების უადგილო გაჟღერება მიუღებელია, როგორც ჩვენთვის ასევე საზოგადოების ნებისმიერი წარმომადგენლისთვის“, – ნათქვამია განცხადებაში.