სასჯელაღსრულების მინისტრის მოადგილე, კახი კახიშვილი, იური ვაზაგაშვილის აფეთქებაში ბრალდებულის, გია სოსანაშვილის დაცვის გაძლიერების თაობაზე ინფორმაციას ავცრელებს.

მისი თქმით სამინისტრო ცდილობს, რომ იმ პატიმრების ჯანმრთელობა და უსაფრთხოება უფრო მეტად იყოს დაცული, ვისაც უფრო მეტი საფრთხე ემუქრება.

„ლოგიკურად შეიძლება კითხვა გაჩნდეს, სოსანაშვილს პრობლემები ხომ არ დაემუქრება, მაგრამ ამას სანამ ვინმე იტყოდა, ამ საკითხზე ჩვენც ვიმსჯელეთ და ბუნებრივია, სოსანაშვილის დაცვა გაძლიერებულია“, - განაცხადა კახიშვილმა.

გია სოსანაშვილი რამდენიმე დღის წინ იური ვაზაგაშვილის მკვლელობის ბრალდებით დააკავეს. რამდენჯერმე გავრცელდა ინფორმაცია, რომ შესაძლოა, მის სიცოცხლეს საფრთხე დაემუქროს.