გასულ წელს აჭარაში მომხდარი სტიქიური მოვლენების შედეგად დაზიანდა უამრავი საცხოვრებელი სახლი და მნიშვნელოვანი ზიანი მიადგა რეგიონის ინფრასტრუქტურას. სტიქიური მოვლენებისგან მიყენებული ზარალის საერთო თანხამ შეადგინა დაახლოებით 3 500 000 ლარი. აქედან 261 800 ლარი გამოიყო აჭარის სარეზერვო ფონდიდან სტიქიის შედეგად დაზარალებული 402 ოჯახის ზარალის ნაწილობრივი ანაზღაურებისთვის და დაზიანებული ობიექტების სარეაბილიტაციოდ საპროექტო-სახარჯთაღრიცხვო დოკუმენტაციის მოსამზადებლად. ხოლო 3 223 014 ლარის გამოყოფა ეთხოვა საქართველოს მთავრობას.

2015 წლის 5 თებერვალს საქართველოს პრემიერ მინისტრის განკარგულებით რეგიონებში განსახორციელებელი პროექტების ფონდიდან გამოიყო 3 223 014 ლარი. აღნიშნული თანხა გათვალისწინებულია ბათუმის, ხელვაჩაურისა და ქობულეთის მუნიციპალიტეტებში დაზიანებული ინფრასტრუქტურის, საცხოვრებელი სახლებისა და მიმდებარე ტერიტორიების აღდგენითი სამუშაოების განსახორციელებლად.

გამოყოფილი თანხიდან : 1 333 000 ლარი მოხმარდება საგზაო ინფრასტრუქტურის რეაბილიტაციას 1 000 000 ლარი - ბათუმისთვის მიყენებული ზიანის კომპენსირებისთვის 424 334 ლარი ქობულეთის მუნიციპალიტეტისთვის 465 680 ლარი - ხელვაჩაურის მუნიციპალიტეტისთვის.