ერთიან ეროვნულ გამოცდებზე და სტუდენტთა საგრანტო კონკურსისთვის რეგისტრაცია დღეს, 10:00 საათზე დაიწყება და 17 მარტამდე გაგრძელდება.

აბიტურიენტებსა და სტუდენტებს რეგისტრაციის გავლა ონლაინ რეჟიმში, ცენტრის ვებგვერდზე შეეძლებათ. (www.naec.ge; online.naec.ge)

სტუდენტები გრანტის გასაუმჯობესებელი კონკურსისათვის ერთ გამოცდას ჩააბარებენ.

რეგისტრაციის პირველ ეტაპზე (10 თებერვლიდან 17 მარტის ჩათვლით) აბიტურიენტმა აუცილებლად უნდა აირჩიოს ჩასაბარებელი გამოცდების ჩამონათვალი, მიუთითოს ქალაქი და ის ენა, რომელზეც სურს გამოცდის ჩაბარება - ეს ინფორმაცია ვადის ამოწურვის შემდეგ აღარ შეიცვლება.

2015 წელსაც აბიტურიენტებს საშუალება ექნებათ რამდენიმე თვის განმავლობაში შეცვალონ არჩეული საგანმანათლებლო პროგრამები (ფაკულტეტები), მათი რაოდენობა და თანმიმდევრობა. პროცესი სააპელაციო განაცხადების მიღების დასრულებასთან ერთად შეწყდება.

სპეციალური პრეს-კონფერენცია ამ თემაზე დღეს შეფასებისა და გამოცდების ეროვნული ცენტრის დირექტორიმა, მაია მიმინოშვილმა ჩაატარა.

„სამი სავალდებულო გამოცდა გახლავთ ისევ, ეს არის ქართული ენა და ლიტერატურა, ზოგადი უნარები და ერთ-ერთი უცხო ენა. მეოთხე საგანს ან საგნებს უკვე ირჩევს აბიტურიენტი იმისდა მიხედვით, სად უნდა სწავლის გაგრძელება,“-განაცხადა შეფასებისა მიმინოშვილმა.