ქუთაისში 7 თებერვალს ავტოსაგზაო შემთხვევის შედეგად გარდაცვლილი, 19 წლის გოგონას ნათესავები საპროტესტო აქციას მართავენ.

ისინი დამნაშავე მძღოლის დაკავებას ითხოვენ. მათი ინფორმაციით, გოგონას ვერცხლისფერი ჯიპი დაეჯახა, რომელსაც ქალბატონი მართავდა. როგორც ისინი ამბობენ შეჯახებამ გოგონა დიდი მანძილზე გადაისროლა, რის შემდეგაც მას მეორე ავტომობილმა დაარტყა.

გარდაცვლილის ნათესავები ამბობენ, რომ პოლიცია მეორე ავტომობილის მძღოლის დაკავებას ცდილობს. ადგილზე საპატრულო პოლიციაა მობილიზებული.

19 წლის გოგონა ავტომობილის დაჯახების შედეგად ადგილზე გარდაიცვალა. არსებული ინფორმაციით, ის ტაძრიდან გამოდიოდა, რა დროსაც ავტოსაგზაო შემთხვევა მოხდა.