ამ წუთებში მოკლული ტოტია მესხის ოჯახის წევრები და ახლობლები აბაშის ცენტრალური გზის გადაკეტვას აპირებენ. ისინი იმ პირების დასჯას ითხოვენ, ვინც მათი თქმით, მესხის მკვლელობაში მონაწილეობდა.

პროტესტის ნიშნად ოჯახის წევრებმა გარდაცვლილი მამაკაცის დაკრძალვაზე უარი თქვეს.

მათი თქმით, თუ პოლიცია პირობას არ მისცემს, რომ სამივე დამნაშავეს არ დასჯის, ცხედარს არ დაკრძალავენ და პოლიციის შენობის წინ დაასვენებენ.

63 წლის მწყემსი ტოტია მესხია, რომელსაც აბაშის რაიონში მდებარე საძოვრებზე საქონელი ჰყავდა, ორი დღის წინ მოკლული იპოვეს. არსებული ინფორმაციით, მამაკაცი მოკლეს, შემდეგ კი ცხედარი საკუჭნაოში ჩაკეტეს. მკვლელობაში ბრალდებულებმა ფერმიდან რამდენიმე სული საქონელი წაიყვანა და რეალიზაციისთვის ხორცი სხვას გადასცა. როგორც ცნობილია, ამის შემდეგ მიბრუნდა ფერმაში და ავტომობილით ორ პირთან ერთად რამდენიმე ტონა ყველი წამოიღო. კვალის დაფარვის მიზნით კი ფერმა დაწვა.

შინაგან საქმეთა სამინისტროს ინფორმაციით, დამნაშავე დაკავებულია და გამოძიება მიმდინარეობს სისხლის სამართლის კოდექსის 108-ე მუხლით.