"სოკარ ენერჯი ჯორჯიას" გენერალური დირექტორის მაირ მამედოვის თქმით, მარტიდან გაზზე ფასები სავარაუდოდ არ გაიზრდება. მისი თქმით, „სოკარი" გაზის გაძვირების ინიციატივით არასდროს გამოსულა

"სოკარი" არასოდეს გამოსულა გაზის გაძვირების ინიციატივით. ამას სრული პასუხისმგებლობით ვაცხადებ. ალბათ კონსულტაციები იმ კუთხით უნდა გაიმართოს, რომ სადისტრიბუციო კომპანიებზე დარტყმა ლარის კურსის ვარდნის გამო კომპენსირებული იქნება თავად ამ კომპანიების მიერ. პრინციპში სხვა გამოსავალს ვერც ვხედავთ. რაც შეეხება მარტიდან ტარიფის მატების საკითხს სავარაუდოდ ეს არ მოხდება",-განაცხადა მამედოვმა.

შეგახსენებთ, პრემიერ-მინისტრმა ეკონომიკურ გუნდს გაზის საფასურის გაძვირების გადავადების საკითხთან დაკავშირებით, აზერბაიჯანულ მხარესთან მოლაპარაკებების წარმოებისკენაც მოუწოდა.