ეკონომიკის მინისტრი იმედოვნებს, რომ გაზის ტარიფთან დაკავშირებით შეთანხმება ისეთ ვარიანტზე მოხდება, რომელიც საქართველოს მოსახლეობისთვის მტკივნეული არ იქნება.

ამის შესახებ გიორგი კვირკაშვილმა ჟურნალისტებთან საუბრისას განაცხადა.

მისი თქმით, აღნიშნულ საკითხზე „სოკართან“ მიმდინარეობს მოლაპარაკებებს.

„ვიმედოვნებთ, რომ შევთანხმდებით ისეთ ვარიანტზე, რომელიც მტკივნეული არ იქნება განსაკუთრებით სოციალურად შეჭირვებული ადამიანებისთვის, თუმცა უნდა ვთქვა ისიც, რომ პროცესები და რეგიონში ეკონომიკური მდგომარეობა ყველაფერზე აისახება და ამაში ექსტრაორდინარული არაფერია. თუმცა აღსანიშნავია, რომ კომპანია „სოკარს“ ძალიან პარტნიორული დამოკიდებულება აქვს“, - განაცხადა ეკონომიკის მინისტრმა.