"ეს არის „ნაციონალებისგან“ მოსყიდული კაცი" - შვილმკვდარი მამების დაპირისპირება

საზოგადოება - 15:41, 04 Feb, 2015

5462

2004 წლის 23 ნოემბერს დიდუბის პანთეონთან მომხდარი ინციდენტის გამო გარდაცვლილი ბუტა რობაქიძის მამა, სოსო რობაქიძე, 2002 წელს მოკლული გიორგი გაბუნიას მამის, ლევან გაბუნიას, გაკეთებულ განცხადებებს ეხმაურება და და აცხადებს, რომ იმ შემთხვევაში თუკი ლევან გაბუნიამ, არ დაამტკიცა, რომ შვილი ზურაბ ვაზაგაშვილმა მოუკლა და იური ვაზაგაშვილი ნარკოტოკებს ყიდდა, ის პასუხს კანონის წინაშე აგებს.

„10 და 12 წლის შემდეგ იძახის, რომ შვილი მომიკლესო. ჩვენ შვილები, რომ მოგვიკლეს, მას შემდეგ წესიერად არ გვიძინია და რკინის ქალამნები ჩავიცვით. სისულელეა, როდესაც გაბუნია ლაპარაკობს, რომ შვილი იური ვაზაგაშვილის შვილმა მოუკლა. ეს არის „ნაციონალური მოძრაობისგან“ მოსყიდული კაცი, რომელსაც თავისი ნათქვამის დამტკიცება მოუწევს. იური ვაზაგაშვილს, თავის აფთიაქში ფსიქოტროპული წამლების გაყიდვაც კი ჰქონდა აკრძალული. ყველაფერზე, რაც ლევან გაბუნიამ განაცხადა, ის პასუხს აგებს კაცურადაც და კანონის წინაშეც“, - აცხადებს სოსო რობაქიძე.

როგორც ლევან გაბუნიამ გადაცემა „არჩევანში“ განაცხადა, მისი შვილი გიორგი გაბუნია შეესწრო ბექა პაპუაშვილის მკვლელობას, რომელიც ზურაბ ვაზაგაშვილმა 2002 წელს ჩაიდინა, შემდეგ კი ვაზაგაშვილმა მოწმეც მოიშორა და გიორგი გაბუნიაც მოკლა. 2002 წელს გაბუნია გაურკვეველ ვითარებაში გარდაიცვალა.

,,ამ მკველობის მოწმე იყო ჩემი შილი გიორგი გაბუნია, შემდეგ წლისთავზე ჩემი შვილი, როგორც მოწმე მოიშორა ვაზაგაშვილმა, რომ პასუხი არ ეგო, მან მაშინვე არ აგო პასუხი, მაგრამ ეს იყო 2002 წელი, 2003 წელს მთავრობა შიეცავალა და იმის შიშით რომ ახალ მთავრობას ეს საქმე არ გამოეძიებინა მოწმე მოიშორეს“ - განაცხადა ლევან გაბუნიამ.

ლევან გაბუნია აცხადებს, რომ ზურაბ ვაზაგაშვილი და მისი მამა იური ვაზაგაშვილი კრიმინალი იყო.