დღეს ღამით, „ჯორჯიან უოთერ ენდ ფაუერი“ გადაუდებელ სამუშაოებს იწყებს

დღეს ღამით, „ჯორჯიან უოთერ ენდ ფაუერი“ გადაუდებელ სამუშაოებს იწყებს - კომპანიის განცხადება

საზოგადოება - 13:39, 04 Feb, 2015

5840

კომპანია „ჯორჯიან უოთერ ენდ ფაუერი“ დღეს ღამით, ინტენსიფიკაციის ქუჩასა და აღმაშენებლის ხეივანში გამავალ წყალსადენის მაგისტრალურ ქსელებზე გადაუდებელ სამუშაოებს განახორციელებს. კომპანია საავარიო–სარეაბილიტაციო სამუშაოებს 900 მმ-იან და 1200 მმ-იან მაგისტრალური მილების დაზიანებულ მონაკვეთებს ჩაუტარებს. აღნიშნული სამუშაოების ჩატარება მაგისტრალური ქსელების წყლისგან დაცლას მოითხოვს.

საავარიო–სარეაბილიტაციო სამუშაოების განხორციელების მიზნით, დღეს, 4 თებერვლის 20:00 საათიდან, 5 თებერვლის 08:00 საათამდე წყალმომარაგება შეუწყდება:

· წეროვანის ლტოლვილთა დასახლებას, ქ. მცხეთის ნაწილს, სოფ. წიწამურს, ზაჰესისა და სოფ. დიღმის ნაწილს.

· სოფლებს - წყნეთი, ახალდაბა, კიკეთი, კოჯორი, ტაბახმელა, წავკისი, შინდისი.

· ბაგებსა და ვაკის რაიონის ქუჩების ნაწილს.

„ჯორჯიან უოთერ ენდ ფაუერი“ შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება 5 თებერვლის 08:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ Facebook-გვერდზე და ვებგვერდზე - www.georgianwater.com

ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ).