მსახიობ ქართლოს ნატროშვილის განცხადებით, მას ფილმ “9+1“-ში მონაწილეობის მიღება არავის შეუთავაზებია. როგორც “აქცენტს“ მსახიობმა განუცხადა, მას ამის სურვილიც არ აქვს.

„ჩემთვის არავის დაურეკავს და მსგავსი რამ არავის შემოუთავაზებია. ჭორები გავრცელდა, მხოლოდ ეს არის. შემოთავაზების შემთხვევაში ჩემი პასუხი უარყოფითი იქნება, არ ვაპირებ ასეთ ფილმში მონაწილეობას“, - განუცხადა „აქცენტს“ ნატროშვილმა.

შეგახსნებთ, რომ საზოგადოებაში გავრცელდა ინფორმაცია იმის შესახებ, რომ ბიძინა ივანიშვილის დაფინანსებით „ერთიან ნაციონალურ მოძრაობაზე“ გადასაღებ ფილმ „9+1“-ში ქართლოს ნატროშვილს ექს-პრეზიდენტის როლის შესრულებისთვის 10 ათასი აშშ დოლარი შესთავაზეს.

წყარო http://acn.ge/