"ნეტარი“ ვთქვი, რომელიც ირონიულია და „ცოტა სულელს“ ნიშნავს- ნათია ფანჯიკიძე

საზოგადოება - 13:17, 02 Feb, 2015

1379

ნათია ფანჯიკიძე ჟურნალ „რეიტინგში“ რამდენიმე წლის წინ გამოქვეყნებულ მის ინტერვიუს ეხმაურება, რომელმაც ყურადღება გამოქვეყნების დროსაც მიიქცია და ხელმეორედ აქტუალური ირაკლი ალასანიას ოპოზიციაში გადასვლის შემდეგ გახდა.

ინტერვიუში ნათია ფანჯიკიძე ბიძინა ივანიშვილთან დაკავშირებითაც საუბრობდა და აცხადებდა, რომ მას შემდეგ რაც ბიძინა ივანიშვილი გამოჩნდა მან სიმშვიდე მოიპოვა:

„კარგად არ მახსოვს ეს ინტერვიუ რომელ ჟურნალში დაიბეჭდა , მაგრამ მთლიანად მსუბუქი იყო და ეს ამონარიდი მაშინ ნაციონალებმა ააფრიალეს...

სიტყვა „ნეტარება“ კი არა , "ნეტარი“ ვთქვი, რომელიც ირონიულია და „ცოტა სულელს“ ნიშნავს, მაგრამ ჟურნალისტმა „ნეტარება“ დაწერა და ამით ინტერვიუს სალაღობო შინაარსი , მეტ-ნაკლებად შეიცვალა. ისე , ის სიმშვიდე, რომელიც მაშინ მქონდა, არ გამცრუებია. ცხოვრებისეული იმედი ბიძინა ივანიშვილზე კი არა , არავისზე დამიმყარებია- მხოლოდ ჩემი თავის იმედი მაქვს, მაგრამ იმ ინტერვიუში ლაპარაკი იყო, ბრძოლის ბედი გადაწყვეტილია და სიმშვიდეც ამ ბრძოლაში ივანიშვილის მონაწილეობითაა გამოწვეულიო.“- აცხადებს ფანჯიკიძე.

თავდაცვის ყოფილი მინისტრის მეუღლე ირაკლი ალასანიას შესაძლო დაკავებაზეც საუბრობს და აცხადებს, რომ სამართლებრივი თვალსაზრისით, ირაკლი ალასანიას დაკავების საფუძველი არ არსებობს:

„დამსახურების, წესიერებისა და სამართლის მიხედვიტ, ვერ და არ უნდა დაიჭირონ, მაგრამ , თიკი ამ ქვეყანაში ყველაფერს ხაზი გადაუსვეს და ისეთი თავნებობა იქნება- როგორც გვინდა, ისე მოვიქცევითო- მაშინ რა პრობლემაა, შენც რომ დაგიჭირონ, ირაკლიც და ტრიფონიც, თორემ სამართლებრივი თვალსაზრისით, ირაკლის ვერ დაიჭერენ“- აღნიშნავს ნათია ფანჯიკიძე.

წყარო "ვერსია"