სოფლის მეურნეობის სამინისტრო და საქართველოს გაერთიანებული სამელიორაციო სისტემების კომპანია ლამი-მისაქციელის სარწყავი სისტემის რეაბილიტაციას ახორციელებს.

პროექტის ფარგლებში, მაგისტრალური არხი ნატანისაგან გაიწმინდება და დეფორმირებული, დაზიანებული ფილები შეიცვლება ახალი რკ/ბეტონის ფილებით, მოეწყობა ტორკრეტი, მოეწყობა წყალგამშვები ჭები.

ჩატარებული სარეაბილიტაციო სამუშაოების შედეგად მცხეთის მუნიციპალიტეტის 8 სოფლის 2200 ჰექტარი სასოფლო-სამეურნეო მიწის ფართობი წყალუზრუნველყოფილი იქნება .

სარეაბილიტაციო სამუშაოები კომპანიამ 2014 წლის დეკემბერში დაიწყო და მიმდინარე წელს, აპრილში დასრულდება. პროექტის ღირებულება 3 224 999 ლარია.