2008 წელს სამართალდამცავს მიერ მოკლული გიორგი გამცემლიძის მამა ჯამბულ გამცემლიძემ, „რეაქციის“ ეთერში, იური ვაზაგაშვილთან დაკავშირებით ისაუბრა და განაცხადა, რომ იური ვაზაგაშვილმა მას საკუთარი შვილის მკვლელობასთან დაკავშირებული მნიშვნელოვანი მოწმის მონათხრობის შესახებ უამბო:

„როდესაც იმ მოწმემ იური ვაზაგაშვილს დაურეკა მე მასთან ერთად ვიყავი და იურიმ მომიყვა სიტყვა-სიტყვით, რაც უთხრა მოწმემ. „იური ბიძია, მე ახლა მუხლებზე ვდგავარ სანთელი მიჭირავს ხელში და თქვენს წინაშე მე რა დანაშაულიც მიმიძღვის, რომ მივეცი ყალბი ჩვენება დღეს მე მზად ვარ პროკურატურას და გამოძიებას სხვა ჩვენება მივცე.“- განაცხადა ჯამბულ გამცემლიძემ, თუმცა მას მოწმის ვინაობა არ დაუსახელებია.