„სხვა რაკურსში“ გია სურამელაშვილისა და გია ჯაჯანიძის შოუს ბევრის გამოხმაურება მოჰყვა. უმეტესობამ ემოციები სოციალური ქსელის საშუალებით დააფიქსირა, აღელვებულთა შორის გია ჯაჯანიძეზე გაბრაზებული ია ფარულავაც გახლდათ. „ნიუპოსტი“ გადაცემის ერთ-ერთ მთავარ გმირს გია სურამელაშვილს დაუკავშირდა.

გია ჯაჯანიძე: ჩემთან შეუთანხმლებლად არაფერი მომხდარა, ყველაფერი დადგმული იყო ძალიან ლამაზად და რა თქმა უნდა მომეწონა

-არადა ბევრის აფორიაქება გამოიწვია, ია ფარულავას კრიტიკა ამგვარი იყო - რესპომდენტი ასე არ უნდა გააშიშვლოო, ასევე გამორთულ კამერაზეც ჰქონდა აქცენტი, ანუ გია შეგითანხმდათ?

-ია ფარულავამ მეც მომწერა რაღაც-რაღაცები, არვიცი რა იყო გაშიშვლება, რას გულისხმობს აზრზე არა ვარ, გია ჩემი მეგობარია და ყველაფერი როგორც საჭიროია ისე იყო. მე თუ არ მომინდებოდა იქ არანაირი გაშიშვლებები არ მოხდებოდა. უღრემსი მადლობა იას, თავისი აზრი რომ გამოხატა, ძალიან მიყვარს, მაგრამ... შეუთანხმებლად არაფერი მომხდარა, მაგ შემთხვევაში გადაცემა ეთერში საერთოდ არ გავიდოდა.

-ალბათ თქვენი აღელვება და ტირილი ჰქონდა მხედველობაში

-ეს სულ შემთხვევით მოხდა, დედა ძალიან მიყვარდა და ამიჩუყდა გული, ხშირად ხდება ხოლმე ეს... ვერც წარმოვიდგენდი ამხელა გამოხმაურება თუ იქნებოდა... ტირილით დამირეკა რუსა მორჩილაძემ, მთელი ოჯახი დიდი ხმით ვბღაოდით შენთან ერთადო. ყველა ადამიანსია ალბათ ეს მოწოლილი ცრემლი, დაგროვილი დარდი, თუ ყველამ გაიზიარა და მათ შორის ჩემმა კოლეგებმაც ძალიან მადლიერი ვარ.

-უახლოეს ხანში ხომ არ გეგმავთ კონცერტს?

-გაზაფხულისთვის მინდა, ჯერ გასტროლი მაქვს ამერიკაში, მერე კი კონცერტს თბილისში ვაპირებ.

-გადაცემაში თქვით ამერიკაში ფრენის მეშინიაო და ე.ი. მაინც გიხდებათ

-უნდა წავიდე, სხვა გზა არა მაქვს, ადრე ძალიან ბევრჯერ ვთქვით უარი და საკმაოდ სერიოზული თანხებიც დავკარგე... რაღაცნაირად უნდა გავრისკო... მერე ჩემი სიმღერებით აქ მოვეფერები ჩემ მსმენელს. მადლობა მათ ამ სიყვარულისთვის, პატივისცემისთვის, ყურადღებისთვის, ძალიან ბედნიერი და მადლიერი ვარ.