რძის და თაფლის ქვეყანა - ავსტრალიელი ჟურნალისტი საქართველოს შესახებ

საზოგადოება - 16:04, 28 Jan, 2015

2702

ავსტრალიური ყოველდღიური გაზეთი traveller.com.au საქართველოს შესახებ სტატიას აქვეყნებს. ჟურნალისტი მაიკლ გებიცკი კავკასიაში მოგზაურობას აღწერს.
„შავი ზღვის სანაპიროზე მდებარე საქართველო დაახლოებით იმავე განედზე მდებარეობს სადაც ესპანეთის ჩრდილოეთ რეგიონებია. საქართველო რძისა და თაფლის მხარეა, რომელიც საბჭოთა კავშირის დროს იმპერიის თბილ და სასიამოვნო სამხრეთ ნაწილად იყო მიჩნეული. საქართველო კაკლის, ყველის, ხილის და ღვინის ქვეყანა, იმპერიის დაშლამდე ძირითადად მხოლოდ ღვინის კუთხედ იყო მიჩნეული. თბილისიდან აღმოსავლეთით საავტომობილო გზასთან ახლოს მდებარე სოფლებში უამრავი დახლია, სადაც მარწყვი, ალუბალი და ატამი იყიდება.“
გებიცკის სოფელ გავაზში გაუმასპინძლდნენ. სტატიაში კახეთში მიღებულ შთაბეჭდილებებს მკითხველს უზიარებს და სტატიაში განსაკუთრებულ ყურადღებას ქართულ სტუმართმოყვარეობას უთმობს. მაიკლ გებიცკი საუბრობს ქართული ენის, კულტურის და ღვინის მომზადების წესების შესახებ, ასევე მკითხველს მოუთხრობს თუ როგორ მიიღო საქართველომ ქრისტიანობა:
„...მე-4 საუკუნეთში წმინდა ნინომ საქართველოში ქრისტიანობა იქადაგა, თავდაპირველად დედოფალი ნანა მოაქცია, შემდეგ კი იბერიის მეფე მირიანი, რომელმაც ქრისტიანობა სახელმწიფო რელიგიად გამოაცხადა.
მე-6 საუკუნეში საქართველოში დავით გარეჯელის მეთაურობით ასუერელი ბერები ჩამოვიდნენ და კახეთის განაპირა კუთხეში მონასტერი დაარსეს. მომდევნო საუკუნეებში მონასტერი გაფართოვდა, ასობით ბერისათვის კლდეში კელიები მოეწყო. სამონასტრო კომპლექსის განადგურება არაერთხელ სცადეს. დავით-გარეჯის მონასტერი დაზიანდა მუსლიმი დამპყრობლების შემოსევისას, შემდეგ კი საბჭოთა ოკუპაციის დროს, კელიებთან ახლოს სამხედრო პოლიგონი იყო მოწყობილი. სამონასტრო კომპლექსის კელიები დ ეკლესია ბორცვის დასაწყისში მდებარეობს, მაგრამ კომპლექსის ნამდვილი საგანძური უდაბნოს მონასტერი, აქ კლდეებში გამოკვეთილი კელიები მდებარეობს, სადაც ბერები ცხოვრობდნენ, ლოცულობდნენ და იკვებობდნენ...“
დავით-გარეჯის მონასტრის შემდეგ სტატიაში აღწერილი თბილისის ისტორიული უბნები, ასევე სვანეთი, იუნესკოს მსოფლიო მემკვიდრეობის ძეგლთა სიაში მყოფი უშგული. სტატიის ბოლოს მაიკლ გებიცკი მკითხველს საქართველოში მოგზაურობისას რამდენიმე რჩევას აძლევს:

1 გაოცდებით ქართველი წმინდანებისა და მეფეების ბრწყინვალე ფრესკებით, რომელიც გელათის საკათედრო ტაძარში მდებარეობს.
2 შეგიძლიათ ეწვიოთ გერგეთის წმინდა სამებას. ამ მთაზე ასვლას სტეფანწმინდიდან ფეხით 90 წუთი უნდა. ეკლესია მთის წვერზე მდებარეობს.
3. უნდა გასინჯოთ ხაჭაპური, ეს ეროვნული „ფასთფუდია“ საქართველოში.
4. ეწვიეთ სვანეთს, საქართველოს მთებში, ჩრდილო-დასავლეთით მდებარე კუთხეს, სადაც ქვის კოშკებს იხილავთ, ამ კოშკებს ადგილობრივები ზვავისა და დამპყრობლებისგან დასაცავად იყენებდნენ.“ - ასე აღწერს ჟურნალისტი მაიკლ გებიცკი საქარტველოს თავის სტატიაში