მარიამ როინიშვილის ყოფილ მეუღლეს, მსახიობ გიორგი მახარაძეს არ მოსწონს, როდესაც მისი პირადი ცხოვრება ერის განსახილველი ხდება ამიტომ გადაწყვიტა, რომ მის პირად სივრცეში აღარავინ შეუშვას.

„არ მომწონს, რომ ჩემი ცხოვრება ერის განსახილველი ხდება. რადგან სპექტაკლებიდან თუ სერიალებიდან გამიცნეს, რატომღაც ინტერეს იჩენენ, რომ ჩემი ცხოვრების ყველა დეტალში გაერკვნენ. შეიძლება აინტერესებდეთ, ვინაა ჩემი ცოლი, ვისი შვილი ვარ მაგრამ სიღრმეებში ძვრებიან, ამიტომ გადავწყვიტე, ჩემს პირად სივრცეში არავინ შევუშვა. ჩემი თითოეული სიტყვის განხილვა ხდებოდა - უი, თურმე ასე ყოფილაო, მერე ვიღაც სხვამ რაღაც დაამატა, იმ სხვამ კიდევ რაღაც ახალი შეჰმატა... მას შემდეგ აღარ ვლაპარაკობ, მაგრამ ხალხს მაინც აქვს თავისი ვარიანტები. საოცარი ფანტაზიის უნარი გააჩნიათ, მაგრამ ჩემგან საჭორაო მასალა არ ექნებათ“, - განაცხადა მახარაძემ „სარკესთან“ საუბრისას.

წყარო: ჟურნალი "სარკე"