ძალიან მალე - ალენ დელონი თბილისში

საზოგადოება - 12:03, 28 Jan, 2015

7412

ცნობილი ფრანგი მსახიობი და მსოფლიო ვარსკვლავი თბილისს თებერვლის დასაწყისში ეწვევა. როგორც ცნობილი ხდება ალენ დელონი პაატა ბურჭულაძის 60 წლის იუბილისადმი მიძღვნილ კონცერტს წაიყვანს.
კონცერტი 12 თებერვალს, სპორტის სასახლეში სახელოვნებო ინდუსტრია „არტ პალასის“ ორგანიზებით გაიმართება. მსოფლიო კინოს ლეგენდა ამ კონცერტის ერთ-ერთი წამყვანი იქნება. საქართველოში ვიზიტისას ალენ დელონი ჟურნალისტებისთვის პრესკონფერენციასაც გამართავს.

პაატა ბურჭულაძის საიუბილეო კონცერტში, ქართველ მუსიკოსებთან ერთად უცხოელი შემსრულებლებიც მიიღებენ მონაწილეობას.

პრესკონფერენციაზე, რომელიც ამ საღამოსთან დაკავშირებით გაიმართა შემოქმედებითი ჯგუფის წევრებმა კონცერტის დეტალებზე ისაუბრეს და ალენ დელონის სტუმრობა ოფიციალურად გამოაცხადეს.

პროექტის ინიციატორი „არტ პალასის“ პრეზიდენტი გია ანდღულაძე გახლავთ, პროექტის რეჟისორი დავით საყვარელიძე, მუსიკალური პროდიუსერი მარინა ბერიძე, დირიჟორები ნიკოლოზ რაჭველი და ჯანლუკა მარჩიანო.

პროექტის მხარდამჭერები არიან საქართველოს კულტურისა და ძეგლთა დაცვის სამინისტრო, თბილისის საკრებულო და თბილისის მერია.

პროექტის გენერალური სპონსორია სამშენებლო კომპანია „ჯი-დი-ჯი“.