„ერთიანი ნაციონალური მოძრაობის“ აღმასრულებელმა მდივნის, ზურაბ ჯაფარიძის განცხადებით, ეკა ყურშიტაშვილის ინციდენტთან დაკავშირებით საპატრულო პოლიციის ერთ-ერთი გათავისუფლებული თანამშრომელი გიორგი ჯღარკავაა. ჯაფარიძის თქმით, ეს ის თანამშრომელია, რომელმაც საპატრულო ეკიპაჟს დარღვევის შესახებ გადასცა ინფორმაცია. მისივე თქმით, პატრულის გათავისუფლებული თანამშრომელი დააშინეს და მედიასთან ურთიერთობაზე უარს ამბობს.

რამდენიმე საათის წინ „ერთიანმა ნაციონალურმა მოძრაობამ“ ორი ვიდეო გაავრცელა. მათი თქმით, მათში ჩანს, თუ როგორ ძალადობს მოქალაქე პატრულის თანამშრომელზე პოლიციის დეპარტამენტის დირექტორის დავით ცინარიძის დახმარებით.