თეთრ ცხენზე ამხედრებული სააკაშვილი და 31 იანვარს დაგეგმილი აქცია

თეთრ ცხენზე ამხედრებული სააკაშვილი და 31 იანვარს დაგეგმილი აქცია - „მე ვარ ქართველი“

საზოგადოება - 14:57, 27 Jan, 2015

8579

გია კორკოტაშვილი დაგეგმილი აქციის ზუსტ თარიღს ასახელებს და მოქალაქეებს აქციაზე მისვლისკენ მოუწოდებს:

„მოწოდება გაკეთებულია. 31 იანვარს უნდა შეგროვდეს ქართველი საზოგადოება, ორგანიზებას უწევს დავით თარხან-მოურავი, ეს ინიციატივა აიღო „ალიანსმა“, ორგანიზაციული საკითხებია მოსაგვარებელი. საზოგადოების დიდი ნაწილი უნდა მოგროვდეს, ვინც ქალაქში არიან, შესაძლოა რაიონიდანაც ჩამოვიდნენ, მაგრამ ძირითადად თბილისში მყოფ საზოგადოებას ველოდებით, რადგან რაიონიდან ჩამოსვლა ცოტა რთული საკითხია. მთავარია, რომ 31 იანვარს თითოეული ადამიანი გამოვიდეს და თქვას - „მე ვარ ქართველი“

ხალხი არის დაშინებული, მილიონ ცუდ რამეზე დაიწყებს ხალხი ფიქრს, რომ ის დაცული არ არის და თუ სიმართლეს იტყვის, შეიძლება, ფიზიკურად გაუსწორდნენ. მათ უჩნდებათ განცდა, რომ ხვალ „ნაციონალური მოძრაობა“ და უკრაინიდან თეთრ ცხენზე ამხედრებული სააკაშვილი დაბრუნდება, „ნაციონალების“ მაღალჩინოსნები იმუქრებიან, დავბრუნდებით და მერე ნახეთ თქვენი დასჯაო, აშინებს ეს საზოგადოებას და ფიქრობს, რომ მათი ჩართულობა ნაკლები უნდა იყოს.

ჩვენ ვეუბნებით ხელისუფლებას, რომ მათთან ერთად გვინდა სამართლიანობის აღდგენა, მივცემთ ამისთვის დროს და თუ ვერ დავინახავთ რეალურ ნაბიჯებს, მერე უკვე ულტიმატუმს წავუყენებთ. თუ ამ ყველაფრის იგნორირებას გააკეთებენ, მაშინ ჩვენსხვა გზა არ გვრჩება.

ეს იქნება აქცია, სადაც გამოვალთ, ერთმანეთს დავენახვებით, რომ ცოცხლები ვართ, ჯანმრთელები ვართ, მომავალ აქციამდე დავსვამთ საკითხებს, რომელიც უნდა შეასრულოს ხელისუფლებამ, თუ არ შეასრულა ან არ შეასრულა, მაშინ ჩვენ მოთხოვნებზე გადავალთ...

აქცია რუსთაველის ძეგლთან ჩატარდება, მეტროს მიმდებარე ტერიტორიაზე.“- აცხადებს გია კორკოტაშვილი.