ნაღების კარაქის შერჩევისას პირველ რიგში უნდა დააკვირდეთ ეტიკეტირებას, არავითარ შემთხვევაში არ შეიძინოთ ისეთი პროდუქტი რომელსაც შემადგენლობაში მცენარეული ცხიმი აქვს მითითებული. მიუხედავად იმისა რომ მცენარეული ცხიმი ზიანს არ მოგაყენებთ, კარაქის სასარგებლო თვისებებს მისგან ვერ მიიღებთ.

თუ ეტიკეტირებას არ ენდობით შეგიძლიათ სახლში კარაქზე რამდენიმე ექსპერიმენტი ჩაატაროთ, ნატურალური ნაღების კარაქი გაცხელებულ ტაფაზე მოთავსებისას არ უნდა შიშხინებდეს და არ უნდა შეიცვალოს ფერი. ნამდვილი ნაღების კარაქი ცხელ წყალში მოთავსების შემდეგ მთლიანად ითქვიფება და არ რჩება ნაწილაკები.

კარაქის ფერი უნდა იყოს ღია ყვითლიდან ყვითლამდე, თუ ძალიან ყვითელია მაშინ მას ან გაფუჭება აქვს დაწყებული ან ბეტა კაროტინი აქვს დამატებული, რომელიც საღებავად გამოიყენება. ცივ მდგომარეობაში მყოფი პროდუქტი არ უნდა იმტვრეოდეს.

ნამდვილი კარაქი -3 გრადუსზე ინახება 10-20 დღე. თუ ვადა მითითებულია 3 თვე, ე.ი კარაქს დამატებული აქვს კონსერვანტები.