სამხედრო ექსპერტის ირაკლი ალადაშვილის აზრით იური ვაზაგაშვილის აფეთქება F1 ტიპის ხელყუმბარით მოხდა, რომელსაც რგოლი მოხსნილი, მაგრამ დამცველი დატოვებული ქონდა და მოთავსებული იყო რაიმე საგნის ქვეშ, იური ვაზაგაშვილმა კი საფლავზე ამ უწესრიგოდ მოთავსებული საგნის გასწორება მოინდომა და აფეთქებაც მაშინ მოხდა.

ალადაშვილის აზრით ამ ხელყუმბარის გამოყენებას დიდი პროფესიონალიზმი არ სჭირდება. მისი თქმით საბრძოლო მოქმედებების დროს ამგვარად ათავსებენ ხელყუმბარას გარდაცვლილი მებრძოლის ცხედრის ქვეშ, რათა შემდეგ მათზე შეხებმ აფეთქება გამოიწვიოს.

ხელყუმბარა 600 გრამს იწონის და მასში 60 გრამი ტროტილია, ექსპერტის თქმით ხელყუმბარა აფეთქების შემდეგ იმდენ ნამსხვრევს გამოყოფს, რომ 7 მეტრის რადიუსში ადამიანის გადარჩენა შეუძლებელია. აღნიშნული განცხადება ირაკლი ალადაშვილმა გადაცემა ”იმედის კვირაშ” გააკეთა.