„იმედის კვირაში“ დღეს იური ვაზაგაშვილის გარდაცვალების ახალი დეტალები გახდება ცნობილი. ამის შესახებ გადაცემის ანონსიდან ირკვევა.

„იმედის კვირაში“ პირველ კომენტარს აკეთებს გარდაცვლილი იური ვაზაგაშვილის მეუღლე ციალა ვაზაგაშვილი.

„მოვკვდი, მომკლეს... ამ ხალხმა სიცოცხლეში მომკლა. ქმარ-შვილი ამომიწყვიტა“, - ამბობს ციალა ვაზაგაშვილი.

იური ვაზაგაშვილი დღეს კასპის რაიონის, სოფელ ყარაფილაში შვილის გვერდით დაკრძალეს. დაკრძალვის ცერემონიას მთავრობის თითქმის ყველა წევრი ესწრებოდა.

ვაზაგაშვილი 20 იანვარს შვილის საფლავზე დამონტაჟებული ასაფეთქებელი მოეყობილობის აფეთქების შედეგად გარდაიცვალა.