ქედის მოსახლეობამ სოფელ კოკოტაურში საპროტესტო აქცია გამართა. 4 სოფლის 200-მდე ოჯახი კონპენსაციას ელის. მუნიციპალიტეტში გასულ წელს ხილი და ბოსტნეული ორჯერ დაზიანდა.

აქციის მონაწილეები აცხადებენ, რომ ანაზღაურება რამდენიმე თემში მხოლოდ ვენახზე მიიღეს. თანხის გაცემისას კი უპირატესო მაღალი თანამდებობის პირებთან დაახლოებულ ოჯახებს მიენიჭათ, მათ შორის მოხვდა პარლამენტის წევრის იაშა შერვაშიძის ოჯახიც.

ქედის გამგებლის განმარტებით სტიქიად მხოლოდ მაისის სეტყვა ჩაითვალა.

„შერვაშიძეებმა ყველაზე მეტი თანხა მხოლოდ იმიტომ მიიღეს რომ ყველაზე დიდი ვენახი აქვთ და ყველაზე მეტი ზარალი მიადგათ“- აცხადებს ქედის რაიონის გამგებელი დავით დუმბაძე.