ერთ თვეში ბრენდირებულ ავტოგასამართ სადგურებზე 1 ლიტრი ბენზინის ფასი ლარნახევრამდე შემცირდება.

საწვავის მორიგი გაიაფება კვირის ბოლოს იგეგმება. როგორც "ბიზნეს-რეზონანსი" წერს, მსხვილ ნავთობიმპორტიორებს საწვავის აღნიშნულ მაჩვენებლამდე დაწევის გეგმა უკვე გაწერილი აქვთ.

როგორც კომპანიებში ამბობენ, თუკი მსოფლიოში არსებული ფასები შენარჩუნდა, საქართველოში ბენზინის ღირებულების 1,5-ლარამდე შემცირებაა შესაძლებელი.

რაც შეეხება ნავთობის ფასს, "ბანკ ოფ ამერიკას" პროგნოზით, "ბრენტის" მარკის ნავთობის ღირებულება 1 ბარელზე 31 დოლარს უკვე აპრილში გაუტოლდება.

ბანკის ანალიტიკოსების აზრით, მთელ მსოფლიოში ნავთობპროდუქტების მარაგი ძალიან სწრაფად იზრდება.

წყარო ეკონომეტრი