საქართველოს ადვოკატთა ასოციაციის თავჯდომარე, ზაზა ხატიაშვილი აცხადებს, რომ იური ვაზაგაშვილს ახალი მტკიცებულებები ჰქონდა მოპოვებული მისი შვილის გარდაცვალების საქმესთან დაკავშირებით და მისი აფეთქებაც სწორედ ამ ფაქტთან არის დაკავშირებული. ზაზა ხატიაშვილი მომხდარს ტერორისტულ აქტს უწოდებს.

„ადამიანი იბრძოდა იმისთვის, რომ მისი შვილის მკვლელობის ფაქტი გამოეძიებინა. იპოვა ახალი მტკიცებულებები და ვანდალურად მოკლეს. ეს არის მთელი ერის ტრაგედია და ასევე უნდა შეფასდეს, როგორც ტერორისტული აქტი და ხელისუფლებამ ყველა ღონე უნდა იხმაროს, რომ რაც შეიძლება მალე გაიხსნას ეს მკვლელობა,“ - განაცხადა ზაზა ხატიაშვილმა.