“პოზიცია“ საზოგადოებას მოუწოდებს იური ვაზაგაშვილის გარდაცვალების თემა სპეკულაციის საგნად არ აქციონ

საზოგადოება - 18:06, 20 Jan, 2015

2275

არასამთავრობო ორგანიზაცია “პოზიცია“ იური ვაზაგაშვილის გარდაცვალების ფაქტს ეხმაურება და ვაზაგაშვილების ოჯახს თანაგრძნობას უცხადებს, - ამის შესახებ "ნიუპოსტს" ორგანიზაციიდან აცნობეს.
“პოზიცია“ პოლიტიკოსებს, არასამთავრობო ორგანიზაციებს და საზოგადოების სხვა წარმომადგენლებს მოუწოდებს ფაქტი სპეკულაციის საგნად არ აქციონ, რათა შესაბამის ორგანოებს მომხდარის სრულფასოვნად გამოძების საშუალება მიეცეთ.
“არასამთავრობო ორგანიზაცია "პოზიცია" თანაგრძნობას უცხადებს გარდაცვლილი იური ვაზაგაშვილის ოჯახს.
იმედს გამოვთქვამთ, რომ საქართველოს პროკურატურა ფაქტს სათანადოდ გამოიძიებს და დამნაშავეები მკაცრად დაისჯებიან.
ამასთან, მოვუწოდებთ როგორც პოლიტიკურ ძალებს, ისე სხვა არასამთავრობო ორგანიზაციებს და ზოგადად მოქალაქეებს, ნუ გამოიყენებენ აღნიშნულ ტრაგიკულ ფაქტს სპეკულირებისთვის, რათა გამოძიებას მუშაობის საშუალება მიეცეს“, - აღნიშნულია განცხადებაში.
შეგახსენებთ, რომ ზურაბ ვაზაგაშვილის მამა იური ვაზაგაშვილი კასპის რაიონში, სოფელ ყარაფილაში, საკუთარი შვილის სასაფლაოსთან მომხდარი აფეთქებისას გარდაიცვალა. ვაზაგაშვილი ახლობლის დაკრძალვაზე იმყოფებოდა, რა დროსაც საკუთარი ვაჟიშვილის საფლავზე გადაწყვიტა ყვავილების მიტანა.