ეროვნულ ვალუტასთან მიმართებაში ეკონომისტების მოლოდინი გრძელვადიან პერსპექტივაში ნეგატიურია. ფაქტორები, რამაც ლარის კურსი უნდა დააბალანსოს, ჯერჯერობით დაიმედების საფუძველს ვერ იძლევა.

დღეს სავალუტო ჯიხურები დოლარს 1 ლარად 94 თეთრად ყიდიან. კომერციული ბანკების უმეტესობაში კი დოლარის გაყიდვის ფასი კიდევ გაიზარდა. ამ დროისთვის, კომერციული ბანკების მიერ დოლართან მიმართებაში დადგენილი გაცვლითი კურსი, ეროვნული ბანკის მიერ დადგენილ კურსს, 4 პუნქტით აღემატება.

ბანკები 1 დოლარს, 1 ლარად და 97-98 თეთრად ყიდიან და 1 ლარად 90 თეთრად ყიდულობენ. დოლართან მიმართებაში ეროვნული ბანკის მიერ დადგენილი ოფიციალური გაცვლითი კურსი, რომელიც უქმე დღეების გამო 17 იანვრიდან არ შეცვლილა, დღეისთვისაც 1 ლარსა და 94 თეთრს შეადგენს.

წყარო ეკონომეტრი