„ლევანისა და მარიამის თვალები სულ სხვას ამბობდნენ“ - წერს „პრაიმტაიმის“ ჟურნალისტი და ლევან ხურციასა და მარიამ კუბლაშვილის დამალულ სიყვარულზე მიუთითებს.

„მთელი საღამოს განმავლობაში ვაკვირდებოდი წვილს, სიყვარული ჩანდა მათ თვალებში. იყო ცეკვაც, ყურში ჩაჩურჩულებაც, რაც ჩვენმა ფოტოკორესპონდენტმა ფირზეც აღბეჭდა. დამეთანხმებით, ალბათ, რომ ლევანი და მარიამი მართლაც საოცრად უხდებიან ერთმანეთს. ასე რომ, დასკვნები ჩვენი მკითხველისთვის მიმინდვია“.

– ქალაქში თქვენს დაფარულ რომანზე საუბრობენ. რას იტყვით ამის შესახებ?

მარიამი: მეგობრები ვართ (იცინის).

ლევანი: დღეს ისეთი საღამოა, როდესაც პირად ურთიერთობებზე მეტად კომპანიის ურთიერთობები უნდა იყოს ჟურნალისტისთვის საინტერესო.

– მაშ მითხარით, რა გაკავშირებთ კომპანია „დეშელთან“?

– კომპანია დეშელთან მაკავშირებს მხოლოდ და მხოლოდ მარიამი, როგორც ჩემი მეგობარი. თქვენ ხედავთ. აქ უამრავი მისი მეგობარია.

– და თქვენი პირადი ურთიერთობის თემა დავხუროთ?

– დავხუროთ.

– დროებით თუ…?

– ცხოვრება წინ არის, როგორ გაგრძელდება ჩვენი ურთიერთობა არავინ იცის.

ავტორი: ნინო მჭედლიშვილი

წყარო: http://primetimenews.ge/