დალი მჭედლიშვილს და მის ოჯახს ნაციონალები საიდუმლო იარაღით ასხივებენ

საზოგადოება - 12:57, 20 Jan, 2015

7195

მოქალაქე დალი მჭედლიშვილი ამტკიცებს, რომ მას უკვე 2 წელია ასხივებენ. „შველას ვიტხოვ დღევანდელი ხელისუფლებისგან! თუ ჩემი არ გჯერათ, გამომიკვლიეთ ფსიქიატრებთან, ნებისმიერ ექიმთან და დაადგინეთ სიმართლე, რომელიც დამალული და გასაიდუმლოებულია საზოგადოებისათვის!“- აცხადებს პრესის რეალიზატორი.

„როგორც მოგეხსენებათ,ნაციონალური მოძრაობის ხელისუფლებაში ყოფნის პერიოდში მიმდინარეობდა მოსახლეობის ტოტალური მოსმენები,ასევე ადამიანების დაშინება და დევნა განსხვავებული პოლიტიკური შეხედულების გამო.

პრესის ჯიხურში გამყიდვლად ვმუშაობ. პოლიტიკურად აქტიური ადამიანი გახლავართ. ამ წლების განმავლობაში , რასაკვირველია დიდი ინტერესიტ ვეცნობოდი ჟურნალ-გაზეთებში დაბეჟდილ ინფორმაციას, შემდეგ კი სააკაშვილი რეჟიმის დანაშაულებათა შესახებ ვუყვებოდი ყველას.არჩევნების დროს კოალიცია „ქართული ოცნების“ მხარდამჭერი ვიყავი. ნაციონალებმა დაიწყეს ჩემზე ზემოქმედება საიდუმლო რადიოლოგიური ან ფსიქოტრონული იარაღით, რამაც ჩემი ჯანმრთელობის მკვეთრი გაუარესება გამოიწვია.

„გაზეთის ჯიხურთან მოდიოდნენ საეჭვო ადამიანები, რომლებიც უჩვეულოდ დიდხანს იდგნენ ჯიხურის წინ, არაფერს ყიდულობდნენ, მიყურებდნენ და მიდიოდნენ. მათი ვიზიტის დროს უკიდურესად ცუდად ვხდებოდი.

ღრმად ვარ დარწმუნებული, რომ გავხდი საკუთარი შეუვალობის მსხვერპლი. ყოველთვის ვგრძნობ, როდის მასხივებენ, თუმცა არ ვიცი რომელი იარაღით...“- აღნიშნავს დალი მჭედლიშვილი.

მჭედლიშვილის განცხადებით არა მარტო მისი არამედ მისი ოჯახის წევრების დასხივებაც ხდება:

„ოჯახის წევრების დასხივება ხდება მოპირდაპირე მხარეს მცხოვრები მეზობლების მხრიდან ან სახურავიდან. ერთხელაც შევნიშნე , რომ ჩვენს სახლზე მომართული იყო რაღაც უცნაური ნათება. სწორედ იმ დღეებში მამაჩემი დაიღუპა, როგორც ჩანს მისმა ორგანიზმმა ვერ გაუძლო დასხივებას.“- აცხადებს დალი მჭედლიშვილი და ხელისუფლებას დახმარებას და შველას სთხოვს, ამასთანავე ის მზადაა ფსიქიატრებთან გამოკვლევა ჩაიტაროს, რათა ყველა დარწმუნდეს რომ ის სრულ ჭკუაზეა.

წყარო „ასავალ-დასავალი“