„თავისუფალი თაობა“ პროკურატურაში სარჩელების შეტანას და აქციის ჩატარებას აპირებს. ერთ-ერთი სარჩელი ეხება ნანუკა ჟორჟოლიანს. მას და ირაკლი კოდუას „თავისუფალი თაობა“ უჩივის. 2007 წელს დაკავებული სამი ახალგაზრდის ფიზიკური ზიანსა და "სიცოცხლის გამწარებაზე" საუბრობს თავისუფალი თაობის ერთ-ერთი დამფუძნებელი ანი დარსალია გაზეთ "ალიასთან", რომელიც ამ საქმეს ჟორჟოლიანსა და კოდუას უკავშირებს.

„2007 წელს დააკავეს სამი ახალგაზრდა, რომლებიც სვანეთიდან იყვნენ. საკმაოდ გახმაურებული საქმე იყო. ერთ-ერთი შემთხვევით მოხვდა ნანუკა ჟორჟოლიანის ტელეფონზე, ნანუკამ ირაკლი კოდუას უთხრა და ამ ახალგაზრდებს სიცოცხლე გაუმწარეს. ახლა შეგვაქვს საჩივარი იმაზე, რომ ეს ორი ადამიანი ერეკლე კოდუა და ნანუკა ჟორჟოლიანი არიან საქმის დამკვეთები, მათ შელახეს ახალგაზრდების ღირსება, ოჯახი გააღატაკეს.

ერეკლე კოდუამ დააშინა და ფიზიკური ზეწოლაც განახორციელეს მათზე, რაც ექიმის დასკვნებით იკვეთება და ამაზე საუბრობდა მაშინდელი სახალხო დამცველის აპარატიც. პროკურატურამ ეს უნდა შეისწავლოს და მკაცრად დასაჯოს ამ საქმის წამქეზებელი და დამკვეთი.

განცხადების პარალელურად გვექნება პატარა აქცია, „თავისუფალი თაობა“ სამართლიანობის აღდგენას ითხოვს. ნანუკა უნდა დაისაჯოს“.- განაცხადა „თავისუფალი თაობის“ ერთ-ერთმა დამფუძნებელმა ანი დარსალიამ.

"ალიამ" ამ საკითხთან დაკავშირებით ნანუკა ჟორჟოლიანსაც ესაუბრა, ჟორჟოლიანის განცხადებით ლადო სადღობელაშვილი და მისი ორგანიზაცია რუსულ თამაშს თამაშობენ და ამ აქტიურობით დაფინანსებას ეძებენ.

„ლადო სადღობელაშვილი როდესაც ამა თუ იმ აქციაზე აქტიურობს, პოლიტიკურად, მიდის სადმე, აქციას აწყობს, ქვეყანაზე კი რ შესტკივა გული, დაფინანსებას ეძებს. აჩვენებს ხალხს რომ საჭირო კაცია.

ის აქტიურად მუშაობდა ძველ სუს-თან, ახლებმა არ გაიკარეს და ახლა მათ აჩვენებს, რომ შეიძლება ის დაჭირდეთ, თუმცა აქტიურად დადის „ფსბ“-ს დაფინანსებულ პოლიტიკურ ძალებთან და რუხ კარდინალებთან ან კარდინალთან. ის რუხი კარდინალიც (სახელს არ დავასახელებ) აჩვენებს ამ მთავრობას, რომ საჭირო კაცია.

მიუხედავად ყველფრისა, არ გაამართლა ამათი იმედები რამდენჯერმე.

ნანუკა და ირაკლი, სადღობელაშვილისთვის ხმაურიანი თემაა და ფიქრობს ამ თემით მოიგებს, მაგრამ სადღობელაშვილი ნებისმიერ შემთცვევაში წააგებს, იმიტომ რომ რუსულ თმაშს თამაშობს, თუ ამ სარჩელით დაფინანსებას მიიღებს, პრობლემა არაა. ჩავთვლი ამ ფაქტს, როგორც მორიგ ქველმოქმედებას ჩემგან. სადღობელაშვილები როცა გებრძვიან ადამიანს, კარგია“.-განაცხადა ნანუკა ჟორჟოლიანმა გაზეთ „ალიასთან“ საუბრისას.

წყარო "ალია"