არქიმანდრიტ ილია კარტოზიას დღეს დავით აღმაშენებლის სახელობის ტაძრის ეზოში დაკრძალავენ.

საღმრთო ლიტურგია სვეტიცხოველში დილის 10:00 საათზე დაიწყება. წირვის დასრულების შემდეგ კი მიცვალებულს წესს აუგებენ. დაკრძალვის ცერემონია 12 საათზე დაიწყება. არქიმანდრიტს მონასტრის ეზოში, ლოდის ძირში დაკრძალავენ.

არქიმანდრიტი საქართველოში 18 იანვარს ჩამოსვენეს. ცხედარი თბილისის საერთაშორისო აეროპორტიდან სამების საკათედრო ტაძარში მიასვენეს. ადრიატიკის ზღვაში ბორან "ნორმან ატლანტიკზე" 28 დეკემბერს ხანძარი გაჩნდა. გემზე 500-მდე ადამიანი იმყოფებოდა. მათ შორის იყო საქართველოს რვა მოქალაქე. მამა ილიას გარდა ყველა მათგანი ცოცხალია და უვნებელი გადარჩა. მამა ილია კარტოზია მცხეთის მამათა მონასტრის წინამძღვარი იყო.