„დაიხიეთ არა უკან?"... - ნათია ფანჯიკიძის პირობა თუ "ეშმაკუნებს აჯობებენ ანგელოზები"

საზოგადოება - 10:58, 19 Jan, 2015

2025

„დილა მშვიდობის კეთილო ხალხო, ეს სტატია ყოველი ჩვენგანის რეალობას და მომავალს ეხება, ამიტომ არ დაიზაროთ, წაიკითხეთ. წერს ფეისბუქის პირად გვერდზე ნათია ფანჯიკიძე.
პოლიტიკოსის მეუღლე ლიბერალში გამოქვეყნებულ სტატიას -http://www.liberali.ge/ge/liberali/articles/122709/ეხმაურება და ამასთან დაკავსირებით ფეისბუქზე შემდეგ პოსტს აქვეყნებს.

ნათია ფანჯიკიძე: „ეს არ არის მხოლოდ ამ ხუთი ადამიანის საქმე. როცა ასეთი რამ ხდება, პოტენციურად ყველა მოქალაქე განწირულია. ეს ერთი ცალი შეცდომა არაა. ეს პოზიციაა - "არ მადარდებს ადამიანი, მისი ბედი, მისი პიროვნება, მთავარია მე როგორც მინდა ისე იყოს".

მიზანი აღმასრულებელი ხელისუფლებიდან ირაკლის მოშორება იყო და მიზანი მიღწეულია. რაღა მანიაკობაა ყველაფერი დანარჩენი?
მესმის, უჭირთ აღიარება, რომ ტყუილად დაიჭირეს, მაგრამ ამის აღიარება რომ უფრო უჭირთ, ვიდრე ხუთი უდანაშაულო ადამიანის გაწირვა, საგანგაშოდ სიმპტომატურია. ცხადს ხდის, გონებაში საკითხის შეწონვა ღირებულებების თვალსაზრისით, მოგება-წაგების აღქმა როგორ უთანაბროდ ხდება, ადამიანის საწინააღმდეგოდ და კაპრიზის, ცრუ სიამაყის სასარგებლოდ.
პირადად მე, პირობას ვდებ, თუ ზოგიერთის სულში და გონებაში ეშმაკუნებს აჯობებენ ანგელოზები, ერთი სიტყვითაც არ გავიხსენებ ამ საქმეს, არავის ნიშნისმოგებით არ მივმართავ - „დაიხიეთ არა უკან?"
ეს არ მიმაჩნია უკან დახევად. ეს მიმაჩნია სულში სინათლის გამარჯვებად, რაც ყველასთვის იქნება გამარჯვება, პირველ რიგში მათთვის, ვინც აიკიდა სხვისი ბედის გამრუდების ტვირთი. ის, რაც სწორდება, უნდა გასწორდეს“.