დღეს, გამთენიისას, მარაბდელი მიტროპოლიტი თადეოზ იორამაშვილი 69 წლის ასაკში გარდაიცვალა. ინფორმაცია მის „ფეისბუქის“ გვერდზე გავრცელდა. არსებული ინფორმაციით, მიტროპოლიტი ხანგრძლივი ავადმყოფობის შედეგად გარდაიცვალა.

თადეოზ იორამაშვილი სრულიად საქართველოს კათოლიკოს-პატრიარქმა ილია მეორემ მღვდელმთავრად 1978 წლის 2 აგვისტოს აკურთხა. 2013 წელს კი, წმინდა სინოდის განჩინებით, მიტროპოლიტი თადეოზი ასაკის გამო, ტიტულოვანი მღვდელმთავარი გახდა და მას მარაბდელი მიტროპოლიტი ეწოდა.