სასტუმრო „ბუდაპეშტის“ მშენებლობა იწყება

საზოგადოება - 14:19, 17 Jan, 2015

1638

1958 წელს აშენებულ რესტორან, „ბუდაპეშტის“ ადგილას, ამერიკელი ინვესტორი, თანამედროვე ტიპის, ხუთვარსკვავიანი სასტუმროს მშენებლობას იწყებს.

როგორც კომპანიის დირექტორის, ნიკოლოზ ფორჩხიძის განცხადებაშია ნათქვამი, კომპანიას მშენებლობის დასაწყებად ყველა ნებართვა გააჩნია.

„როგორც ქალაქის მერმა აღნიშნა, ჩვენ გვაქვს უფლება, მშენებლობა წარვმართოთ ლეგალურად ყველა ნორმის დაცვით. კიდევ ერთხელ მინდა დავარწმუნო საზოგადოება, არა თუ არც ერთი ხე არ გაიჩეხება, ტერიტორია, მწვანე საფარით განაშენიანდება. რესტორან ბუდაპეშტის ნანგრევების ადგილზე, რომელიც ნაგვის ბუნკერად, ანტისანიტარიად და გაუგებარი ადამიანების თავშეყრის ადგილად იქცა, 5 ვარსკვლავიანი თანამედროვე სტანდარტების სასტუმრო აშენდება. კიდევ ერთხელ და გარკვევით გვინდა განვუმარტოთ ქვეყნის ყველა მოქალაქეს, „ტიფლის ბიზნეს ჯგუფის“ მიერ წარმოებული მშენებლობის პროცესში არ მოიჭრება არც ერთი ხე. მშენებლობის ადგილზე 1958 წლიდან რესტორანი „ბუდაპეშტი“ იდგა, რომლის ტერიტორიაზეც ჩვენ თანამედროვე ტიპის სასტუმროს ვაშენებთ. ჩვენ უკვე მივმართეთ სამართალდამცავ ორგანოს, უზრუნველყოს მშენებლობა მშვიდ გარემოში. ვიმედოვნებთ, რომ სახელმწიფო ხელს შეუწყობს ინვესტორს პროექტის განხორციელებაში, რომლის მიხედვითაც 22 მლნ აშშ დოლარი დაიხარჯება“, - ნათქვამია ფორჩხიძის განცხადებაში.